Олунньу 13 күнэ — сахалартан бастакы тыл үөрэхтээх учуонай, уһулуччулаах сырдатааччы, саха маассабай суругун-бичигин төрүnтээччи, сахалыы тылынан бастакы үөрэх кинигэлэрин суруйбут, бэчээттэтэн таһаарбыт Семен Андреевич Новгородов төрөөбүт күнэ.
Саха тылын сайдыытыгар сүдү кылааты киллэрбит Семен Андреевич Новгородов аатын үйэтитэн 1996 сылтан Саха Өрөспүүбүлүкэтин I-гы Президенин М. Е. Николаев ыйааҕынан олунньу 13 күнэ «Төрөөбүт тыл уонна сурук-бичик күнүнэн» биллэриллибитэ.
Бүгүҥҥү таһаарыыга Алексей Андреевич Иванов–Күндэ «Төрөөбүт тыл» хоһоонун Дьокуускай куорат саха тылын уонна литературатын учууталларын "Алгыстаах сахам тыла" ассоциациятын учууталлара аахтылар.
