2026 сылы Саха Өрөспүүбүлүкэ баһылыга Айсен Сергеевич Николаев дойдубутугар Культура сылынан биллэрбитэ.
Виктор Петрович Портнягин Уус – Алдан улууһун Суотту нэһилиэгэр 1951 с. ыам ыйын 15 күнүгэр күн сирин көрөн, оскуола кэнниттэн Намнааҕы СПТУ-га баян курсугар үөрэммит. Салгыы Дьокуускайдааҕы КПУ-ҕа дирижер-хоровик идэтин ылан, Суоттутааҕы кииннэммит клубнай система директорынан, баяниһынан тахсыылаахтык үлэлэспит. Суоттутааҕы народнай театр, «Дьээбэрэҥ» мини-театр үлэтин иилэһэр-саҕалаһар. Улуустааҕы мелодистар түмсүүлэрин активнай кыттыылааҕа, түмсүү Суоттутааҕы филиалын салайааччыта, 20-тэн тахса ырыа автора. СӨ культуратын туйгуна, Суотту нэһилиэгин бочуоттаах олохтооҕо.
Виктор Петрович үйэтин тухары культуура эйгэтигэр олоҕун уурбут сыралаах үлэтин бииргэ үлэлээбит доҕотторун, атастарын, ахтыыларын түмэн таһаарабыт. Кини билигин баара буоллар 75 сааһын туолуохтаах этэ.
