Сэтинньи 25 күнүгэр Н.Д. Неустроев ааытан SMART-бибилэтиэкэ ааҕар саалыгар үгэскэ кубулуйбут «Олоҥхо дьыктаана – 2025» аахсыйа ыытылынна. Маннык хабааннаах тэрээһин сыала сахалыы таба суруйуу үөрүйэҕин сайыннарыы уонна олоҥхо баай тылынан-өһүнэн билиини-көрүүнү кэҥэтии буолар.
Барыта араас эйгэҕэ үлэлиир, дьарыктанар, үөрэнэр ааҕааччыларбыт кэлэн кыттыыны ыллылар. Быйыл дьыктаан Мэҥэ Хаҥалас улууһун Тараҕай нэһилиэгин биллиилээх олоҥхоһута, норуот ырыаһыта, сэһэнньит, остуоруйаһыт ССРС суруйааччыларын союһун чилиэнэ И.И.Бурнашев -Тоҥ Суорун 80 сылын көрсө «Сылгы уола Дыырай бухатыыр олоҥхоттон» «Сир-ийэ дойду айыллыыта» түһүмэхтэн быһа тардыыны суруйдулар. Дьыктаан тиэкиһэ олоҥхоһут бэйэтэ хайдах толорон саҥарбытынан суруллубут буолан тыла-өһө олус уратылааҕа солун көстүү буолла.
Тохотбул кэмигэр кыттааччылар библиотека үлэһиттэрэ туруорбут «Олоҥхо устунан айан» кинигэ быыстапкатын, дьыктаан тылын-өһүн ырыттылар, библиотека аатыттан сэмэй бэлэхтэри туттулар.
Дьыктааны суруйуу түмүгүнэн «Бастыҥтан бастыҥ суруйааччы» анал ааты Колмогорова Акулина Павловна, Харайданов Николай Валентинович, «Бастыҥ суруйааччы» Осипова Марианна Елизаровна, Арылахова Галина Егоровна, Тогуллахова Анастасия Владимировна, Шишигина Дайаана, Кудрина Альбина Анисафоровна, Соломонова Валентина Ивановна, Самойлова Виктория Ивановна буоллулар.
Үгэскэ кубулуйбут сылын ахсын ыытыллар аахсыйаҕа дьыктааны суруйааччылар элбии тураллара, ордук эдэр ыччат кэлэн кыттара олус кэрэхсэбиллээх. Бары кыттааччыларбытыгар барҕа махталбытын тиэрдэбит!
