Н.Д. Неустроев аатынан SMART- библиотека Улуу кыайыы 80 сылыгар аналлаах буойун суруйааччылар олохторун, айар үлэлэрин, Аҕа дойду сэриитигэр кыттыыларын, төрөөбүт дойдуга бэриниилээхтэрин, эйэлээх олоҕу туойбуттарын туһунан кэпсиир, сырдатар бибилэтиэкэ уруоктарын ыытта.
25 саха фронтовик суруйааччылара сэрии хонуутугар илиилэригэр саа-саадах тутан сэриилэспиттэр. Кинилэр сэрии кылгас сынньаланнарыгар республика хаьыаттарыгар сэрии сонуннарын, кун аайы бэйэлэригэр бэлиэтээьиннэри, хоьооннору, кэпсээннэри суруйаллара. Төһөлөөх элбэх гражданскай уонна патриотическай санаалары уһугуннарар айымнылары айбыттара буолуой. Ийэ дойдуну хаанымсах фашистартан саа-саадах тутан көмүскүүргэ саха суруйааччылара биир киһи курдук бэлэмнэрин биллэрбиттэрэ. Ол күнтэн ылата суруйааччы бөрүөтэ өргөстөөх ыстыыкка тэҥнэспитэ.
Саха норуодунай суруйааччыта, ССРС суруйааччыларын Сойууһун чилиэнэ, Аҕа дойду Улуу сэриитин кыттыылааҕа, Саха АССР П.А. Ойуунускай аатынан Государственнай бириэмийэтин лауреата Соловьев Василий Сергеевич - Болот Боотур төрөөбүтэ 110 сылыгар аналлаах, Ф.И. Авдеева аатынан Оҕо айымньытын дыбарыаһын алын сүһүөх оскуолатын 2 «а» кылааһын үөрэнээччилэригэр «Ол күнтэн – бу күҥҥэ» бибилэтиэкэ уруога буолла.
Бэйиэт, тылбаасчыт, Аҕа Дойду Улуу сэриитин саҕана лейтенант, зенитнай рота хамандыырын солбуйааччыта, Кыһыл Сулус уордьан кавалера Кузьмин Макар Иванович — Макар Хара төрөөбүтэ 110 слыгар аналлаах «Дорообо, дулҕа-маар үрүйэм» уруогар, суруйааччы поэзиятын, сэрии, кыайыы туһунан хоһооннорун ырытыстыбыт, Артиллерист, стрелковай взвод командира, политрук Кузьмин Бастакы Ленинградскай фроҥҥа Ленинград куораты блокадаттан босхолоһорун, онтон Бастакы Прибалтийскай, Бастакы Белорусскай фроннарга хорсуннук сэриилэһэн “Кыһыл сулус” орденынан, “Ленинград оборонатын иһин”, “Бойобуой үтүөлэрин” иһин медалларынан наҕараадаланарын кэпсэттибит.
Советскай армияҕа 1942 cыллаахха ыҥырыллыбыт, поэт, прозаик, дараматург Тимофей Егорович Сметанин Курскай – Орел кыырыктаах кыргыһыытыгар кыттыбытын, кыргыһыыттан быыс буллар эрэ сэрии туох иэдээни оҥорбутун туһунан «Хааннаах хара баттах», «Босхоломмут дэриэбинэ», «Саллаат уонна өлүү», «Саллаат ахътылҕана», «Бухатыыр Армия», «Саллаат сүрэҕэ» хоһооннорун аахтыбыт.
Саха норуодунай бэйиэтэ, буойун суруйааччы, ССРС суруйааччыларын Сойууһун чилиэнэ, Петр Николаевич Тобуруокапка аналлаах «Санааны өрө көтөҕөр суруйааччы» уруокка Сталинград фронугар наводчик-пулеметчигынан сылдьыбытын, тохтобул кэмигэр агитатордыырын, листовкалары тарҕатарын, саллааттар санааларын өрө көтөҕөрүн туһунан оҕолор саҥаны биллилэр.
Маннык хабааннаах тэрээһиннэр, уруоктар оҕоҕо, ыччакка Ийэ дойдуга тапталы уһугуннарар, бэриниилээх буоларга үөрэтэр.
