Спиридон Спиридонович Шишигин 1950 с. Мэҥэ Хаҥалас оройуонугар Табаҕа бөһүөлэгэр атырдьах ыйын 1 күнүгэр төрөөбүтэ.
Саха Республикатын үөрэҕириитин үтүөлээх үлэһитэ, Саха Республикатын үөрэҕириитин уонна культуратын туйгуна, Хаҥалас оройуонун бочуоттаах олохтооҕо, дэгиттэр талааннаах виртуоз - хомусчут, хомус тардыытын пропагандиһа.
Кини көҕүлээһининэн Республиканскай оҕо фестивала, Норуоттар икки ардыларынаа5ы ыччат фестиваллара улахан сүдү тэрээһиннэр тэриллибиттэрэ.
Спиридон Спиридонович Саха сиригэр, Тываҕа, Башкирияҕа, Казахстаҥҥа, Австрияҕа, Францияҕа, Германияҕа, Венгрияҕа, Голландияҕа уо д.а. дойдуларга ыытыллыбыт хомусчуттар, хомуһу үөрэтээччилэр түмсүүлэрин тэрийсээччитэ уонна кыттыылааҕа. Аан дойдутааҕы хомусчуттар түмсүүлэрин сүбэтин чилиэнэ.
Саха хомуһун туһунан 9 кинигэни суруйан уонна хомуйан таһаарбыта. Хомоҕой тылынан ыпсаран хоп курдук хоһооннору суруйан тэттик кинигэлэри бэчээккэ таһаарбыта ону тэҥэ айылҕа кэрэ көстүүтүн, дьыл араас кэмнэрин таба көрөн хаартыскаҕа түһэрииннэн умсугуйан дьарыктанар.
Дэгиттэр талааннаах Спиридон Спиридонович үбүлүөйдээх күнүгэр «Дьүрүһүй хомуһум» диэн ааҕааччы көрүүтүгэр виртуальнай быыстапкаҕа ыҥырабыт.
