Сэтинньи ый 13 күнүгэр Н.Д. Неустроев аатынан SMART-библиотека үлэһиттэрэ «Прометейчик» оҕо уһуйаанын үлэһиттэригэр, иитээччилэригэр анаан сахалыы «Бэйэ оонньуута» толкуйдатар оонньуу ыытта.
«Бэйэ оонньуута»- аатырбыт «100 к одному» форматынан оҥоһуллубут хамаанданан олорон толкуйдуур оонньуу буолар. Оонньуу хас да тиэмэттэн турар: улуустар, биллиилээх дьон, суруйааччылар, сахалыы ырыалар, история, туттар тэрил. Бу тиэмэлэртэн хамаанда бэйэтэ талан тута хоруйу биэрэр, толкуйдууругар аҕыйах бириэмэ көрүллэр.
Барыта холбоон 5 хамаанда кытынна, кыттааччылар олус сэргээн, билиилэрин хаҥатан, күлэн-үөрэн оонньоотулар, астыннылар, билбэтэхтэрин биллилэр. Маннык хабааннаах тэрээһиннэр бииргэ үлэлиир дьону олус көҕүлүүр, сомоҕолуур.
