Ыам ыйын 15 күнүгэр Тулагытааҕы А.Я. Уваровскай аатынан бибилэтиэкэҕэ өрөспүүбүлүкэтээҕи «Саха сирэ» хаһыат үлэһиттэрэ Александр Тарасов, хаһыат бас эрэдэктээрэ, Анивера Акимова, хаһыат бас эрэдээктэрин солбуйааччы, Елена Потоцкая-суруналыыс, Василий Павлов-таһаарааччы эрэдээктэр кэлэн ыалдьытаатылар, аҕам саастаах ааҕааччыларга туһалаах «Оҥоһуу өй (Нейросеть)»-туһалаах көмөлөһөөччү» маастар-кылаас ыыттылар, сырдаттылар, кэпсээтилэр, сүбэ-ама биэрдиэлэр. Билиҥҥи үйэ технологиятын хайдах судургутук туһаныахха сөбүй, сахалыы тылынан оҥоһуу өй көмөтүнэн араас эҕэрдэлэри суруйарга, хаартысканы тупсарарга, өссө хайдах, холобура, хаартысканы өҥнөөх оҥорорго уонна хамнатыахха сөбүн эмиэ үөрэттилэр! Ааҕааччылар болҕомтолоохтук иһиттилэр, төлөппүөннэригэр МАКС приложение хачайдаан тута үөрэннилэр. Кырдьык даҕаны эппиттэрин курдук уустууга суох эбит. Бары сатаатылар, улахан махталларын биллэрдилэр! Ону таһынан сөбүлээн ааҕар «Саха сирэ» хаһыакка үөрэ суруттардылар. Түмсүү кыттыылаахтара астынан туран, туһалаах көрсүһүү буолла диэн бэлиэтээтилэр уонна үйэни кытта тэҥҥэ хамсыахха дэһэн тарҕастылар.
Махтанабыт ааҕааччыларбытыгар кэлэн активно кыттан, үөрэнэн, астынан барбыттарыгар, «Саха сирэ» хаһыат тутаах үлэһиттэригэр үрдүк ситиһиилэри баҕарабыт, ааҕааччы элбии турдун, сахалыы хаһыат нөҥүө төрөөбүт тылбыт баайа, эгэлгэтэ, сүмэтэ хас биирдиибитигэр арыллан истин, ийэ тылынан санаатын сайа этэр дьон ахсаана хаҥыы турдун диэн баҕа санаабытын тиэрдэбит.
