Бугун «Кэпсээ» кулуупка олус туһалаах тэрээһин ааста.Саха аныгы отоһута, анал үрдүк үөрэхтээх провизор, фармацевтика наукатын хандьыдаата, эмтээх отторго идэтийэр - Лена Георгиевна Кривошапкина «Саха сирин эмтээх отторун иммунитетка туһаныы» диэн маастар-кылааһын ыытта.
Оттору хаһан, хайдах хомуйар, хатарар итиэннэ ханнык ыарыыларга туһанар уо.д.а. туһунан кэпсээтэ, ыйытыыларга хоруйдаата. Билиитин-көрүүтүн, туһалаах эрэсиэптэрин олус тиийимтиэтик быһаарда.
«Билигин биһиги доруобуйабытын кыһыны ыарыыта суох көрсөргө бэлэмниир, иммунитеты бөҕөргөтөр кэммит. Сүрүн оруолу аспыт хаачыстыбатыгар уонна аһыыр ахсааммытыгар ууруохтаахпыт. 19 чаас кэннэ аһыа суохтаахпыт, куртахпыт мөлтүөн сөп. Киэһээҥҥи аһылык – күн киирэ илигинэ, сарсыардааҥҥы аһылык – күн тыган турдаҕына. Олус элбэҕи аһаабаппыт, туустааҕы элбэҕи, саахардааҕы аҕыйаҕы сиибит. Иммунитетка саамай туһалаах отунан - эхинацея пурпурная буолар. Ону таһынан иммунитетка туһалаах үүнээйилэринэн буолаллар: дөлүһүөн, отон аһа, моонньоҕон аһа уонна сэбирдэҕэ, хаптаҕас аһа уо.д.а.» - диэн доруобай буолар туһугар сүбэтин бирдэ.
Мустубут дьон махталларын тиэрдэллэр:
«Лена Георгиевна иммунитеты хайдах бөҕөргөтөр туһунан кэпсээтэ. Кэпсиир кэмигэр мутукчаттан оҥоһуллубут утаҕы амсатта. Туһалаах маастар-кылаас буолла, элбэх билиини биэрдэ. Өссө да маннык тэрээһиннэр буола турдунар».
«Лена Георгиевна маастар-кылааһыгар бастакыбын сырыттым. Элбэҕи биллим, үүнээйини эмпкэ хайдах туттары илэ көрөн, амсайан билиим эбилиннэ. Барҕа махтал буоллун, кыаллар буоллаҕына өссө да сылдьа сатыам».
«Выражаю большую благодарность Лене Георгиевне за столь продуктивный мастер-класс. Получила очень много полезной информации. Дегустация ранее не известных мне блюд из растений: паштет, паста, чай. Вплоть до медитации».
«Очень полезную информацию получила. Лена Кривошапкина очень хорошо, интересно, спокойно рассказала о растениях. Дала хорошие советы и просто жизненные. Махтал Лене Георгиевне. Благодарю работников библиотеки. Будьте здоровы, удачи, успехов, благополучия!».
«Большая благодарность Лене Георгиевне за полученные знания и желаю ей процветания в ее очень нужной людям деятельности. Удачи в написании докторской!»
